Ich Wolfgang Schramel, burger zu der [Freinstat] bekenn fur mich und all mein erben/ und tun kund offenleich mit dem brief allen, den er furkumbt […] alle ding/ zerganklich sein und nichts hochwirdigers und edler mag […] ewig leben/ und hab [mit] wolbedachten muet zu der tzeit, da ich das on […] wol getun mocht und recht/ het zu hanndeln [darnach] und damit, das lob und die eer […] […]kait unsers herren Jesu/ Cristi und seiner lieben mueter jungkfrawn Marie, unserr lieben frawn […] und sunder des liebenn/ heiligen zwelfbotten sannd Bartholomee gemert werde eewiclichen […] vorfarn und/ nachkomenn und allen gelaubigen seeln zu hilf und ze trost, recht und [redleichen] geschafft hab, gib/ und schaffe auch wissentlich mit kraft des briefs mein wysen gelegen [bey Lonfelden] zwischen des Schechtlein-/ pekchen und der padstuben, die jarlich zu ainem yeden unserr lieben [frawntag der] dienstzeit dient in des Cristan-/ haws zu Lonfelden vier pfenig und nit mer; und in derselben wysen ligent [zway] heusl, von der yedem man/ in dieselben wysen hinwider dient zwaintzig pfennig solanng und die [heusl darauf] stehen, zw ainem eewigen/ jartag, der alle jar jarleichen aines yeden jars begangen sol werden in der […] zu Lonfelden der mittichen/ in unserr lieben frawn [wochen] der dinstzeit des abends mit ainer [gesungen] vigili, [und der; des Anm. margens] mit ainem ge-/ sunngen seelambt und siben gesprochen messen darunder und […] priester […] seelambt sich/ bey dem alltar umbke[ren] […] Anna seiner hausfrawn […] und umb/ alle die aws dem [geslecht] […] und umb all [gelawbigen seel] mit ainem [ave Maria] und denselbenn/ genanntten gotsdinst sol […] in unserr/ lieben frawn […] der dinstzeit awsrichten und volfuren […] zu-/ gehorungen […] und eingeantwurt aws mein, aller meiner erben [nucz und gewer] yeden/ pfarrer zu Lonfelden nucz und gewer mit allen den eern und rechten, so darczu gehornt, und darvon bekomen mag/ solichen obgenannten gotsdinst zu eewigen zeiten in […] darvon auszerichten bey den/ punntten und artiykeln, die in dem brief begriffen sein, den […] und [sich] gegen mir und/ meinen erben verschriben haben, alles getreulich und ungevarlich […] zu Lonfelden sol den/ zechmaistern sannd Bartholomeus zech daselbs zu Lonfelden jarlichen […] unserlieben frawntag/ der dinstzeit raichen und geben von derselben wysen sechtzig pfenning on […] und abgang; darvon sullen/ dieselben zechleut zu dem obgenannten gotsdinst alle zechkertzen in der […] und brinnen lassen/ und die alltar zu demselben gotsdinst eewichlichen darvon beleuchten und den opferwein dartzu raichen und/ geben on abgang, und zu ainem warn und sichtigen urkund so gib ich obgenannter Wolfgang Schraml fur mich/ und alle mein erben ainem yeden pfarrer zu Lonfelden den brief besigilten […] durch meiner fleyssigen/ betwillen mit der erbern und weysen Wolfgangs Grutschen, burger zu der [Freinstadt und] Hannsen des Tewschl,/ diezeit richter zu Lonfelden, ir beder anhanngennden insigillen, doch in beden [und irn erben] on schaden; darunder ich/ mich fur mich und all mein erben mit meinen trewen verpinte, alles das [genczlich war] und stat zu halten und/ zuvolfuern, das in dem brief geschriben stet, getrewlich und ongevarlich. Der brief ist geben da man zalt nach crists,/ unsers lieben herren geburde tawsent vierundert und darnach in dem sybenundsechtzgisten jarnn an montag/ nach sannd Ulrichstag des heiligen bischof.