Ich Hanns Munichmair zw Talhaym, ich Thaman, ich Mert, ich Barbara Winkchelmairin zw Strashaym, ich Margreth Ridelmayerin und ich/ Elspet Marin zw Aw, alle geswistret, weilent Hainreichen Mair zw Stetten saligen kinder bekennen aintrachtigklich fu/er uns und all un-/ ser eriben und thuen kund offenlich mit dem brieff allen, den er zw sechen, horen oder zw lesen furkumbt, das sich unnser lieber prueder/ Paul Stettenmair lieblich und frewndtlich nach unnser nagsten und pesten frewnd und ander erberger lewt rat auff ain ganntz statz/ ennde mit uns verricht und geaint hat umb unseren vaterlichen eribtayl, so wir gehabt haben an der hawsrawmb und pawmans-/ rechten des Stettenhoff mit aller seiner zwgehorung, gelegen in Alkover phar und im lanndtgricht Tuenawtal, der des erwirdigen/ gotshaws Wilhering freys aigen ist, darzue umb alle varunde hab, so unser vater, dem got gnadig sey, hinder im lassen und/ auff dem hoff beliben ist, dafuer und dar umb uns ain sumb gelts von unserem brueder Paulen gesprochen und gegeben ist,/ daran uns woll benueg hat und der selben sumb er uns gantz und gar ausgericht und bezalt hat zw rechten tagen an allen/ schaden; darauff vertzeich wir uns obgemelte geswistret Hanns Munichmair zw Talhaym, Thaman, Mert, Barbara Winkchelmairin zw/ Strashaym, Margreth Ridelmairin und Elspet Mairin zw Aw fur uns und all unnser eriben gegen unserm benanten prueder Paulen und allen/ sein eriben wissentlich in krafft des brieffs, der maynung, das wir, unsere eriben noch ander yemant von unseren wegen nu hinfur von des ege-/ melten Stettenhoffs mit aller seiner zwgehorung noch von varundts guets wegen vaterlichs eribtails zw im und allen sein eriben noch auch/ zw allen den, dy den Stettenhoff fuer an in haben und besitzen werden nymer mer kain zwspruch, ansprach, erbschafft, gerechtigkait noch vor-/ drung nit mer haben noch gewingen sullen und wellen noch enmügen weder mit recht, geistlich noch weltlich, noch an recht; auch/ sunst in chainerlai weis angevar sunder unser lieber prueder Paul, sein eriben und nachkomen mugen nu fuer an mit der hawsrawmb/ und pawmansrechten auff dem egenanten Stettenhoff mit seiner zwgehorung, dar zw mit aller varunden hab wol allen iren nutz und frum-/ ben hanndeln und betrachten, in haben, nutzen und niessen, verheiratten, versetzen, verkauffen, verschaffen, vermachen und damit thuen,/ wie sew verlust und guet zymbt an uns, aller unser eriben und menigklichs von unsern wegen widersprechen, irrung und hindernuss,/ ausgenomen ob uns oder unsern eriben der tod hinfuer icht ga/eb, was wir dan rechtlich eriben schulten ,des vertzeihen wir uns nit/ alles trewlich und ungeverlich; des zw warer urkund geben wir unserm benanten prueder Paulen und sein eriben den brieff/ besigelt und wolbestat mit des erwirdigen geistlichen unserr genadigen herren, hern Thaman, abbt zw Wilhering anhangunden/ in sigel, den wir durch unser petzetl mit vleis darumb gepeten haben, doch im, sein nachkomen und in sigel an schaden; auch/ unvergriffenlich dem benanten gotshaws Wilhering und seiner freienstifft aller gerechtigkait, dienst und vordrung; darunder/ wir uns obgemelte geswistret Hanns Munichmair zw Talhaym, Thaman, Mert, Barbara Winkchelmairin, Margreth Ry-/ delmairin und Elspet Mairin zw Aw fuer uns und all unnser eriben vestigklich verpindten mit unseren trewen aides weis,/ inhalt des brieffs war und stat zehalten, der geben ist an suntag vor sannd jorigen tag des heiligen ritter nach christi/ gepurdt viertzehenhundert und ainsundachtzigisten jaren.