In nomine sancte trinitatis amen. ‡ Egno ‡ dei gratia Brixinen(sis) ecclesie electus et confirmatus. Notum facimus tenore presentium universis Christi fidelibus tam futuris quam presentibus, quod veridica relatione ac multorum cognovimus testimonio, operarios saline in Taure propter nimiam operis sui instanciam diebus festis et profestis et celebribus nullam exhibere reverentiam; super quo habito consilio canonicorum nostrorum Brixinensium dilecto in Christo fratri preposito Wiltinensi suisque successoribus et ipsius ecclesie fratribus predictis canonicis consencientibus hanc gratiam contulimus in perpetuum, ut ad observationem et reverentiam solempnium dierum auctoritate nostra sufulti iam dictos operarios per censuram ecclesiasticam conpellant vel pro sui absolucione cum ipsis quocumque modo, ne inpuniti permaneant, conponant; omnium successorum nostrorum reverenciam exorantes, ut quod pio zelo fecimus, ob salutem animarum suarum firmum teneant et ratum. Et ne plebanus vel vicarius in Taure vel alius quispiam nostram iurisdictionem et indulgentiam in preiudicium fratrum predictorum attemptare presumat, auctoritate presentium et successorum nostrorum contumaciam et presumptionem reprimere intendimus, omnes tam clericos quam laicos huius nostre donationis et institutionis contradictores vinculo excommunicationis innodantes. Huius rei testes sunt: Chvnradus, oberster Propst; Heinricus, Dekan; Berhtoldus von Ezninch, Erzdiakon; Berhtoldus Kustos; Chvnradus Schaffer, Albertus von Aichach, Kanoniker von Brixen; Chvnradus, Pfarrer von Cholsaz (Kolsass); Michahel, der Schüler (scolaris); Vlricus, der Schreiber (scriba); Wilhelmus von Aichach; Henricus von Aichach; Merboto; Fridericus Lithvs(?), milites; Albertus, Kämmerer(tesarius).