„Wir Friedrich von Goten gnaden, hertzog ze Oesterreich etc. bekennen und tuon kunt für uns, unser erben und nachkomen. Als weylent der edel unser lieber Oheim Graf Albrecht von Werdenberg, herre zu Bludenntz seliger gedachtnuss mit dem tod abgangen ist und nu die herrschaft zu Bludenntz und Montafun mit allem, das zu derselben herrschaft gehört, an uns ist gefallen von solcher Verschreibung wegen, so er sich gegen der herrschaft und dem haus von Oesterreich getan hat, also sind nu für uns kommen die erbern, weysen unser lieben getreuen vogt, rat und burger gemainlich zu Bludenntz und zu Montafun und haben uns gar vleizziklich und diemütiklich gebeten, daz wir in ir gnad, recht, freyheit und altes herkommen geruoehten ze verneuern und ze bestatten. Haben wir bedacht solch treu, frümkeit und erberkeit, die an in scheinper ist, wa sy sich, alzeit gegen unsern vordern und uns als piderpleut hand lassen vinden, und sunder wen sy sich in unsern widerwertikeiten zu der zeiten, als unser gnädiger herr der römisch künig grozz krieg und ungnad zuzoh, als vestiklich, manlich und kekhlich band widergehalden und bey uns als irem künftigen, natürlichen herzen und erbfürsten sind beliben und auch nu gesworen hand uns und dem haus ze Oesterreich treu und warheit, und bey uns als iren rechten, natürlichen herren und erbfürsten wider mäniklich ze beleiben. Der und aller treuen wir sy billich ergetzen und haben den egenannten von Bludenntz, den aus Montafun, und allen den, die zü der herrschaft Bludenntz gehören, es seien edel leut, bürger, hofjünger, freye Wallser, Sylbrer, gotshausleut oder ander und allen iren erben und nachkomen von fürstlicher macht in kraft ditz briefs all und yegliche recht, freyheit, brief, privilegia und jr alt guot gewonheit, damit sy herkömen oder vorher gefreyt sind, verneut, bestätt und confirmiert. Verneuen, bestälter und confirmieren in die auch wissentlich, was wir zue recht daran verneuen, bestatten und confirmieren sollen oder mögen. Also daz sy die nu hinfür ewiklich haben, nützen und der geniessen, als denn sy und im vordern die untz her hand gehabt und genossen. Und mit sonderheit, als die auss Montafun jerlich ir steuer zwi(e)r im jar hand geben, ain ist in dem mayen und ain ist ze herbst, also haben wir in die gnad getan, daz sy dieselb steuer bayd ze herbst mit einander geben süllen, doch daz daran kein abgangk sey, nach dem als denn vorher ist komen, ane gevärde. Aber die vor Bludenntz süllen bey ir gewonlichen steuer beleiben, als auch vorher ist komen, an gevärde. Und also empfehlen wir unsern lieben getreuen allen haubtleuten, burggraven, vögten, pflegern, ammannen, rätten, ambtleuten und undertanen, gegenwürtigen und künftigen, und wellen ernstlich, daz sy die egenannten von Bludenntz, die aus Montafun und all ander, die zu der Herrschaft Bludenntz gehören, als vorbegrifen ist, bey solchen iren gnaden, rechten, freyheiten und bey iren alten guoten gewonheiten, damit sy herkomen sind, von unsern wegen vestiklich halten, schirmen und beleiben lassen, in darwider kain irrung, beswärnuss, neuerung noch inväll tuon, noch des nyemand andern gestatten, bei unsern hulden, wan das ernstlich maynen und wellen. Und des zü ainem statten, ewigen urkund geben wir in den brief versigelt mit unserm, aigen anhängenden insigel.Das ist geschehen in der Newnstat an des heiligen Chreutztag inventionis nach Christs gebürde in dem vierzehenhundertisten und darnach in dem zwantzigisten jare.“