Percht, Fridreichs wittibe des Ziegelchnechts sa/elig, und Vlreich, der Pöltzlinne aidem, und Hylt, sein hausvrow, der vorgenanten vrow/en Perchten tochter, Urkunden umb die fu/emf schilling gelts ewigs purchrechts, die her Jacob von Eslarn gehabt hat auf ihrem haws, gelegen in der Chümphlukchen hieniden bei dem gotsakcher zenachst Hainreichen dem Minner, und auf der hofstat weingarten hinden daran und auf alle dew, und darzu/e geho/eret¹. . ., und die er von ihnen mit rechten nottaidingen darauf gar und gäntzleichen anerlangt und anbehabt hat. Die Aussteller haben mit ihrer erben gutem willen und gu/enst. . . mit gesampter hant . und mit hern Albrechts hant dez Ramppertstorffer, zu den zeiten obrister spitalmaister der purger Spital ze Wienne, vor dem auch daz recht umb die vorgenanten fu/emf schilling Wienner phenning gelts gewandelt und geschehen ist, recht und redleichen verchaufft und geben zu den egenanten fu/emf schilling gelts auf ihrem vorgenanten haus und auf der hofstat weingarten hinden daran und auf alle dew, und darzü geho/eret¹, drey schilling [124] Wienner phenning gelts ewigs pürchrechts umb drew phunt und sechczich phenning Wienner münzze, der sie gar und gäntzleichen verricht und gewert sind, dem vorgenanten hiern Jacoben von Eslarn und seiner hausvrown vrown Chünigunden und irn erben fürbas ain phunt gelts ewigs purchrechts auf demselben ihrem haws und auf der hofstat weingarten hinden daran und auf alle dew, und darzü gehöret,¹ledichleichen und vreileichen ze haben ... Also mit ausgenomener rede, die Aussteller oder swer das Haus und die Hofstatt weingarten nach ihnen inne hat und besitzet, haben jenen daz egenant phunt gelts ewigs pürchrechts fürbas alle jar davon zu raichen und zu dienen, zu drin zeiten in dem jar, je achtzich phennig an sant Michels tag, ze weichennachten und an sant Jo/erigen tag. ... Ez ist auch dazselb phunt gelts daz allernächst pürchrecht von dem vorgenanten Haus und weingarten ... alle jar ze dienen nach den fümftzehen Wienner phenning, die man alle jar davon dient den dürftigen in der vorgenanten purger Spital ze Wienne, ze grüntrecht und es sind auch die Aussteller samt ihren Erben unverschaidenlich dez egenanten phunt gelts ewigs purchrechts ... hern Jacobs von Eslarn und seiner hausvrown vrown Chunigunden und irr erben recht gewern und scherm für alle ansprach . . ., alz purchrechts recht ist und der stat recht ze Wienne ... Daz disew sache fu/erbaz also staet und untzerbrochen beleib und wand die Aussteller selber nicht aygner insigiln haben, darumb so geben sie in disen brief zu einem warn urchunde dieser sache, versigiltn mit dez obgenanten hern Albrechts insigil dez Ramppertstorffer, spitalmaister der obgenanten purger Spital ze Wienne, und mit hern Hainreichs insigil dez Waller, zu den zeiten statschreiber ze Wienne ... die diser sache zewgen sint mit irn insigiln. . . Geben ze Wienne, nach Christ« geburt drewtzehen hundert jar, darnach in dem sechsundfümftzigisten jar, an sant Larentzzen abent. 

Language: Deutsch

Notes: