Ich Ulreich von Laub und ich Agnes sein hausvrow wir vergehen offennleich mit dem brif daz wir Mertten dem Vorster und Jannsen von Laub unserm diener, vollen gewalt geben haben und geben auch mit dem brif . umb unser hous gelegen in der Strauchgazzen ze Wienne. Also waz Si damit tuent und hanndelnt, daz. das. unser gutleich will ist und wenn wir selber nicht aigens Insigils haben darumb so geben wir den brif versigilten mit unserm aufgedrukchtem petschad und mit des erbern manns Insigil Ulreichs des Eybensprunner die zeit Richter ze Laub der sein Insigil durch unser pett willen an den brif gedrukcht hat. Geben ze Laub des nasten Sambztags nach sand Georien tag anno LXXXo secundo.

Source Fulltext: Peter Peusquens