Wir Albrecht von gotes gnaden, Hertzog ze Oestereich, ze Steyr, ze Kernden, und ze Krain, Graf ze Tyrol etc. Embieten unsern getrewn..dem Purgermaister .. dem Richter und dem Rat, unsrer Stat ze Wienn, unser gnad, und alles guot. Umb das haus gelegen am Kolmarkt ze Wienn, das ettwenne des Tyroln sêlig, und seiner hausfrawen, gewesen ist, und das nu dieselb Tyrolinne gêntzlich, an sich geledigt hat, umb ier varende hab die ier der vorgenant ier wirt geschafft hat. Emphelhen wier ew, und wellen gar ernstlich, daz ier dieselben frawen, bey dem egenanten haus, vestichlichen, haltet und schirmet von unsern wegen, und ier auch, uber dasselb haus, mit ewrer Stat Insigel versigelet alz gewoenlich ist, und des, mit nichte lazzet, wan swatz ew, von yemanne darumb anget und besunderlich von Kristann dem Platner, und Leublein dem Brunner, den zwain geschêfftherren davon wellen wier ew bringen, und darumb, fuer ew sten. Geben do ze Wienn, an sand Peters, und sand Pauls tag, der zwelfboten, anno etc. LXXXIIdo dominus dux per se.

Source Fulltext: Peter Peusquens