Wier Albrecht von gotes gnaden, Hertzog ze Oestereich, ze Steyr, ze Kernden, und ze Krain, Graf ze Tyrol etc. Tuon chunt, umb die vogtey, ze Weigleinstorf, die unsrer Purgêr Spital, ze Wienn angehoert und der sich, unser getrewr, Chuonrat, von Potendorf, underzogen hat, und dieselb vogtey, aber nu, unser getrewr Stephan der Leyttnêr di zeit Spitalmaister, desselben Spitals, in unsrer hofschrann, behabt hat mit dem rechten, in namen, und an stat desselben Spitals ze Wienn, daz wier uber die egenante vogtey, ze Weigleinstorf, des offtgenanten Spitals, ze Wienn, scherm sein, vor allem gewalt, und unrechten, nach sag des behabbriefs, den di zeit unser Lantrichtêr darûber gegeben hat. Mit urchund ditz briefs. Geben ze Wienn, an Mêntag, nach sand Peters, und sand Pauls tag, der zwelfbotten, Anno domini Millesimo Trecentesimo octoagesimo secundo. dominus dux per se.

Source Fulltext: Peter Peusquens