Ich Janns der Priester von Velden vergich und tuen chuend mit dem brief allen den die in an sehent oder horent lesen daz ich Chuenrad dem Puechel burger ze Wienn Geben hab vollen gewalt umb mein haus Gelegen ze Wienn in dem Tewffen graben ze verchauffen wen ich in des vleizz(iglich) gepeten han / Und waz er darinne tuet daz ist mein gutleich willen und hat auch mein gewalt darzue und wenn ich selb nicht aigens in sigels hab / daruemb so verpind ich mich under der zwaier erber herren Insigeln aufgetruekcht alles daz stat zu haben daz vor geschriben stet mit urchund des briefs versigelt mit des erbern herren Insigel Urbanns des Guentakchers und Chuenratz von Fürstenekk baid die zeit des Rats der Stat zu Pazzaw darumb ich sew vleizz(iglich) gepeten han daz si der sach zewg sind mit iren aufgetrukchten insigeln in an schaden und allen iren eriben. Geben des samptztags vor Reminiscere Nach christi gepuerd drewzehen hundert jar und in dem drew und achtzkistem jar.

Source Fulltext: Peter Peusquens