Ich Leûppolt Schêll, ze den zeiten zêchmaister, und verb(w)eser unser frown zêche ze Pêrchtoltzdorf, und wier all purger daselbs, die in derselben zêche sind, Wier vergehen und tuen chunt offenleich mit dem prief. Umb die zway und dreizzikch phunt wienner phenning, die uns Michel Spiegler, frow Chunigund sein housfrow den paiden got gnad, zu der Ewigen Messe, in die vorgenanten unser frowen zêche geschaft habent, auf iren guetern die Si hinder in lazzen habent, alz ier stiftprief sagt den wir von in darumb haben, daz uns derselben zway und dreizzikch phunt phenning, die erbern leût Janns Spiegler, und Chuenrat Raz von Wienn gantz und gar verricht und gewert habent, und der sag auch wier sew fuerbaz ledig und laz mit urchunt des priefs versigilt mit der vorgenanten unser frowen zêche anhangunden insigil, der geben ist noch Christi gepuerde drewtzehen hundert jar, darnach in dem vier und achtzgistem jar an sand Nyclaz tag.

Source Fulltext: Peter Peusquens