Ich Kathrey, Goergen dez Puernitzer hausvraw Tuen chunt, umb di fuemftzig phunt wienner phenning und umb alles daz hausgerêt wie so das genant ist, daz mir mein libe muem, vraw Chunigunt di Spiglerinn sêlig, geschaffen hat, alz der geschaeft brif lauttet, den si dar umb hinder ier gelazzen hat. Dar umb habent, mich, di Erbern, Hans der Spiegelêr und Chunrade, der Ras, mein vetter, gar und gêntzlich, aller sach ausgericht, und betzalt und sag sew, und ir Erben, gar und gêntzlich dar umb ledig und los. Mit urchund ditz briefs, versigelt mit dez obgenanten, meins liben wiertz Goergen des Puernitzer anhangunden Insigel, und mit dez Erbern mans Hansen des Payrs, dez Goltsmid, purger ze Wienn anhangundem insigel, der daz durch meiner pet willen an den brif gehangen hat, im an schaden. Der geben ist an pfintztag nach sand Andres tag, dez hailigen zwelifpoten Nach christi gepuerd, dreutzehen hundert iar, darnach in dem vier und achtzgistem jar.

Source Fulltext: Peter Peusquens