Wir Wilhalm und Albrecht vettern von gots gnaden Hertzogen zuo Oesterrîch, ze Steyr, ze Kernden, und ze Krain, Graven zuo Tyrol etc. Bekennen Als wir Joergen dem Koblinger, genant Dienstel, und Albern dem Hadmanstorffer, unsern Kamrêrn nach unserr brief sag vormalen gegeben haben ain haus hie ze Wienne gelegen gegen den Langen Tuochlauben ueber genant datz dem Swibogen zenaechst Wolfharts sêligen des Poben haus. Und das Si aber nu habent verkaufft unserm getrewn Hannsen dem Staindlein, unserm Burgêr hie ze Wienne nach Ires brieves sag Also wellen wir desselben Staindleins, und seiner erben, ueber dasselbe haus, mit aller zuogehoerunge vor allem gewalte und unrechten Scherme sein zuo dem rechten, wenn es ze schulden kuemet, an gevêr. Mit urchund ditz brieves. Geben ze Wienne an Mêntage vor Valentini Martiris. Nach Kristi gebuerde Dreutzehenhundet jar Darnach in dem Acht und Newntzigistem Jare. Dominus dux Albr. per Ulr. de Ror.

Source Fulltext: Peter Peusquens