Wir Albrecht von Gottes gnaden, Hertzog ze Oesterreich, und ze Steyr, Enbieten allen, den der brieff gezaigt wirt, swie di genant sein, unser gnad, und allez guet. Wan, wir wellen, daz dhain Nyderleg, noch anschuttung sei, zwischent Newnb(urch), und Chrems, weder ze Stokcheraw, noch ze Trebense, noch anderswo nindert do zwischent, denn, ze Newnburch alayn, do si ze reht sein sol, als wir, unsers lieben brueder, Chunig Friderich selig brieff gesehen haben, den di selben unser burger von Newnburch, doruber habent. Do von gebieten wir eu allen vestichlich, und wellen, daz do zwischen, nieman, anschutte, noh niderlegung hab, denn ze Neunburch alayn als vorgeschriben ist, mit urchunde diz briefes. Der geben ist ze Wienn an phintztag vor unser Vrowen tag der Liehtmisse. Anno domini Millesimo CCCmo Tricesimo secundo.

Source Fulltext: Peter Peusquens