Den fuerbesichtigen Weysen herren dem purgermaister und dem ganzen Ratt der Statt ze Wyenn Embiten wir der Burgermaister und der Rat und dew ganz gemain der Stat ze Weytra unser willig dinst mit allem fleizz bevor, liebenn herren als uns ewr weyshait ze wissen getan hat an ewrem brif von der Newn Munzz vegen daz wer var hin unserr statt und der ganzen lantschaft verderben darum pitten wir ew und getrawen ew allen wol ir arbaitt datz an unser genedig fursten und underveyset sew daz sew uns bey der munizz beleyben lassen dy ytzund gengig ist und was ir uns darin ratet da wellenn wir ew gern gehorsam in sein nach allem unserm vermugen daz wir mit sampt ew pey unsern alten rechten freyhaiten und gevonhaiten verbleiben als lang sich der ungelt vergangen hat. versigilt mit unserm chlainn auff gedrucktem insigill Geben ze Weytra am phinztag vor Dorothee anno etc CCCC.

Source Fulltext: Peter Peusquens