Den Erbern und den weysen dem Purgermaister dem Richter und dem Rat dem ynneren und dem awsseren der Stat zue Wyenn Enbiet wier der Richter und der Rat und dew gantz gemain der stat Stat zue Marichekk fleizzleich unsern willigen dienst lieben herren wier danchen ewch ewr trew und ewr lieb dew ier uns ertzaygt habt und auch der erbern potschaft dew ier zue uns gesant habt von der weswaerung wegen und grassen scheden der newen muenizz dew unser gnaedigen herren dew fuersten auf werffen wolten pit wier ew mit gantzen fleizz ymer durch unser dienst willen daz ier secht und dar an seyt daz unser gnaedig fuersten dez gewendigt werden wenn wier andres nicht getrachten chunnen denn daz der herschaft und auch lant und layten ein grazz fuerderib-leich schêden waer und dar aws chomen wuerden uns alles daz wier dar zue tuen schullen mit sant ew dez well wier ew gern geharsam sein wenn ier unser pegert und fadert. Geben zue Marichekk am Mittichen far Gregori anno domini CCCCo etc.

Source Fulltext: Peter Peusquens