Den erbern weisen dem gantzen Rat dem innern und dem aussern ze wienn Enbiet wier der Rat und die gmain der Stat ze ybs unsern stêten dienst. Lieben herren als ier uns von ewrer beschai-denhait und durich nutz willen der stet und armer loewt verschriben habt, und ewr erbere pot-schaft getan habt, die wir wol vernomen haben von der newen mûnnzz wegen, Bitt wier ewr weishait durich unserr dienst willen, das ier hilfleich seyt, das diselb new mûnnzz understanden und underkoemen werd, wann es der Stat und armer loewt merkchleichs verderben waer, das well wier umb euch verdienn, als pest wier kûnnen und vermûgen. Besigelt mit der Stat aufgedrukten Insigel. Geben Gregorii pape M°CCCC°.

Source Fulltext: Peter Peusquens