Wir Nyc(o)l(aus) von gots gnaden, Pischof ze Regenspurch, enbieten dem edeln mann Graf Chunrat von Schawnberch, unsern besundern freunt, unsern gruoz, und alles guot. Als ir uns gepeten habt an ewrem brief, umb daz guot ze Aedlesdorf, und ze Praitsteten, daz ir gechauft habt, und daz von uns, und unserm gotshaus lehen ist, schuold ir wizzen, daz wir eu die selben guot erlauben ze haben, und ze nutzen, als andreu rechteu lehen, also swenn wir selben hintz Oesterich chomen, daz ir die selben lehen von unsrer hant enphat, mit eur selbs leib, und dar nach tuot, swaz reht, und gewoenlich ist. Und dar uober ze urchuond senten wir eu disen brief verinsigelt mit mit unserm insigel. Der ist geben ze Werd, do von Christes gepuorrt vergangen waren, dreutzehen hundert jar, dar nach in dem zwei und dreizzigistm jar, am dem ahten tag nach sand Marteins tag.

Source Fulltext: Peter Peusquens