Dem Erwîrdigen unserm Lieben freund und Kantzler, hern Berchtolden, Bischoven zu Freysingen. Embieten wir Wilhalm von gotes gnaden Hertzog ze Oesterreich, ze Steyr, ze Kêrnden, und ze Krain, Graf ze Tyrol etc. unsere freuntschaft und alles guot. Von der Stoess wegen, die sind zwischen unsern getrewen Dyetrichen dem Prennêr unserm Muentzmaister hie ze Wienn, und seinen freunden ains tails, und Joergen dem Dienstlein, des andern, von ains Weingarten wegen genant der Ardakcher, gelegen zu dem Weinhaus. Begern wir ernstlich, daz Ir beden tailn unvertzogenlich ainen tag fuer ew beschaidet, und Sy gen einander verhoeret, und yedem tail lasset widervarn was Recht ist. Geben ze Wienn an freytag nach Sant Matheus tag. Anno domini etc. CCCC°. dominus dux per Fr. Janitorem.

Source Fulltext: Peter Peusquens