Wir Wilhalm von gotes gnaden Hertzog ze Oesterreich, ze Steyr, ze Kêrnden, und ze Krain, Grave ze Tyrol etc. Bekennen. Als uns, die erbern weisen, unser liebsten getrewn..der Burgermaister.. der Richter..der Rat, und die gemain hie ze Wienn, yetz zu unsern notduerfften drew tausent guldein habent gelihen, die Hannsen dem Limptzer sind gevallen. Also haben wir In dasselb gelt verschafft, und verschaffen auch wissentleich mit diesem brief auf unserm tail unserr gewoen-lichen Statstewr, die uns von nu, dem nêsten Sand Marteins tag ueber ain Jar, von In gevallen sol, daz Si sich der dann selber davon suellen vor mênichleich richten und betzalen. Wan wir, In, die an unserm tail, derselben Stewr wellen quitten, und abziehen, an gevêrde. Mit urchund ditz brieves, versiegelt under unserm klainen Insigel, wan wir das groesser yetz bey uns nicht hetten. Geben ze Wienn an Mêntag nach Sand Gallen tag. Nach Kristi gepuerde in dem viertzehenhun-dertisten Jare. dominus dux ad relationem Fr(iderici), scriptoris, et m(agister) curie de Wa(llsee), Jo(hannes) Eberst(orfer), Martinus Va(lbacher) m(agister) ca(mere), Ch(unradus) plebanus in P(rugg) officialis, audierunt litteram.

Source Fulltext: Peter Peusquens