Wir Wilhalm von gotes gnaden Hertzog ze Oesterreich ze Steyr ze Kernden und ze Krain Graf ze Tyrol etc. Embieten den erbern weisen unsern liebsten und, getrewn..dem Burgermaister.. und dem Rat, hie ze Wienn, unser gnad und alles gut. Wir emphelhen ew, und wellen ernstleichen, daz Ir unserr Judinn Slanan Eysaks wittiben, von Bruenn, die Sechs vnd Newntzig phunt phenning, die Paul der Geyr zue der Stat, hie ze Wienn Gruntpûch hat nydergelegt, und die von weilent Jacoben dem Kettnêr, weilent Chuenrats des Kettnêr Sun, sind herkomen, unvertzogenleich inantwurttet, an der geltschuld, die Ir dieselben Kettnêr, Ir hawsfrawn und Ir erben sind schuldig beliben, nach Irer brief lautt, und des nicht lasset, wan das gênztleich, unser maynung ist. Geben ze Wienn an Phintztag nach Katherine Anno etc. CCCCmo quarto. dominus dux per m(agistrum) ca(mere) Cunr(adum) Pott(endorfer)

Source Fulltext: Peter Peusquens; siehe auch: Schlager, Wiener Skizzen I, 67 no 14.