Ich Lorentz der Schenkchenperger puerger zue Wienn . Vergich offenlichen mit dem prief das ich vollen gewallt geben han . und gib auch wissentlichen mit dem prief meiner lieben hausfrawen . frawn Elspeten umb das haws . das wir paidew mit gesamder hand verchawfft haben und leyd das selb haws Innderthalb des Roten Tuurns an dem harmarkcht ze nechst Heinreichs Seligen des hawbner. chinder haws. Also das Sy das vorgenant haws versetzen mag . die ubertewrung . uber des Hanns Staindleins geltschullt . Hotzen dem Juden umb Sibentzikch phunt wienner phening und umb den gesuch der dar auf get . Mit urchunt des priefs versigelt mit meinem Aufgedrûkchtem Insigel. Geben zu Prespûrkch am Sambztag Nach sand Elspeten tag Anno Tawsent vierhundert und in dem fuemfften jar.

Source Fulltext: Peter Peusquens