Wir Leupolt von gots gnaden Hertzog ze Oesterreich ze Steyr ze Kêrnden und ze Krain Grave ze Tyrol etc. Enbieten unserm getrewn Hainreichen dem Hêkhlein unserm purger ze der Newnstat unser gnad und alles guet. Als wir dir und unserm getrewn..dem Potschacher unserm Richter daselbs auf den nêchstkûmftigen Suntag, taeg, her fuer uns und unser Rête beschaiden hetten von der stoess und zwayung wegen, so Ir gen einander habt Also lassen wir dich wissen, daz der obgenante Potschacher von unsers geschêfts wegen, bey demselben tag nicht gesein mag, und haben den darumb gelengert untz von demselben Suntag ueber viertzehen tag, darnach kuemf-tigen. Davon emphelhen wir dir ernstleich, daz du denselben tag also suchest in aller der mass, als du den auf den nêchstkuemftigen Suntag soltest gesuecht haben, doch yettwederm tail an seinen Rechten unschedleich, und des nicht lassest. So wellen wir ew darumb zu baider seitt gen einander verhôren und yettwederm tail widervaren lassen wartzue er Recht hat. Das ist unser maynung. Geben ze Wienn an Montag vor sand Kolmans tag Anno domini etc. Quadringentesimo Sexto. dominus dux in consilio

Source Fulltext: Peter Peusquens