Wir Chunrat der Vorlauf zue den zeiten Purgermaister und der Rat gemayn der Stat ze Wienn Tuen kund offenleichen mit dem brive das wir dem erbern wolgelonten Chunraten, dem Puesterlein Recht und redleichen verlassen haben und verleihen auch wissentleichen mit dem brife, mit aller der handelung die von recht oder von gewonhait dartzue gehoret, die Ewig Messe die weylent her Chunrat selig Czennkl, der Ros ein Student in geistleichen rechten auf unser frawen Altar hintz sand Peter ze Wienn leuterleich durch Got und durch seiner und aller seiner vodern seligen, und nachkomen Sel hail willen gestifft hat mit allen den zinsen guelten und guetern, Erbguetern und varund guetern wie die genant oder wo die gelegen sind nach des Stifftbriffs sag der daruber geben ist. Also das der egenant Chunrat der Puesterl Inner Jarsfrist pristerleichew wirdichait darauf emphahen sol Und sol die egenant ewig Messe auf dem vor-genanten altar funf stund in der wochen sprechen und verwesen an allew sawmung, bey der pen und puezz als der egenant Stifftbrif aigenleich weiset und begriffen hat. Und diselb Jarsfrist und er nicht priester worden ist, Sal er diselb Messe in der vorgeschriben weise mit einem andern erbern wolgelonten priester ausrichten und verwesen Als in dem egenanten Stifftbrif beschaiden ist. Und daruber, zue einem warn offem urkund geben wir Im den brife besigilten mit der vor-genanten Stat ze Wienn Klainem Anhangundem Insigil. Der geben ist ze Wienn nach Kristi geburde virtzehenhundert Jar darnach in dem Sechsten Jar am Sambstag vor sand Kathrein Tag.

Source Fulltext: Peter Peusquens