Ich Veyt der Valich und ich Agnes, Chunrats hausfraw des ledrer sein Swester Wir vergehen und Tun kund offenleich mit dem brif, das uns die erbern weisen..der Purgermaister..der Richter und der Rat der Stat ze Wienn gar und gentzleich verrichtet und betzalt habent, der fuenftzig phunt wienner phenning die bey Irm gruntpuch gelegen sind gewesen und die uns gevallen sind von der hundert phunt wienner phenning Morgengab wegen die Niclas selig der Valich unser pruder seiner hausfrawn Christein ze Morgengab gemacht het, auf seinem haws gelegen under Pheilsnitzern ze Wienn gegen der geistleichen herren von Maurbach uber und sagen auch Sy und all ir nachkomen fur uns und fur all unser erben der vorgenanten funftzig phunt gar und gentzleich quitt ledig und los vor aller ansprach Mit urkund ditz brifes Besigilten mit der zwair erbern mann Insigiln Hannsen des Veltspergêr und Petreins des Grueber, die wir des gebeten haben das si der sach getzeugen sind mit Irn Insigiln In an schaden Und wann wir selber aigner Insigil nicht haben So verpinden wir uns mit unsern trewn angever under den egenanten Insigiln alles das settzehaben das vor an dem brif geschriben stet. Geben ze Wienn an sand Kathrein Abend nach Kristi gepurde virtzehen-hundert jar darnach in dem sechsten jar.

Source Fulltext: Peter Peusquens