Ich pruder Peter der Weyskoph dietzeit prior datz den predigern ze Wienn und wir der Convent gemain daselbens vergehen fuer uns und unser nachkomen offenleich mit dem brief das uns die erbern mann Hanns der Zyrnast und Hanns der Mosprunnêr dietzeit baid ausrichter und volfuerêr des geschêffts so Hanns der Arnstorffer, dem Got genad, getan hat, zerrichtet und gewert habent zehen phunt wienner phenning, die uns derselb Hanns der Arnstorffer geschafft hat alls dasselb geschêfft vor dem Rat der Stat ze wienn mit erber kuntschafft beweist ist, und alls es zu einer ewigen gedechtnuezz in dem Statpuch geschriben stet. Also daz wir dieselben phenning raichen und tailen sullen under die prueder die priester sind das Sy mess darumb lesen und Got fuer desselben Hannsen des Arnstorffer Sel pitten Und sagen auch wir fuer uns und unser nachkomen die vorgenanten geschefftherren und Ir Erben der egenanten zehen phunt phenning gentzleich quidt ledig und los Mit urchund des briefs versigilten mit unser obgenanten pruder Petreins des Weyskophs priors datz den predigern und des Convents daselbens baiden aufgedrukchten Insigiln. Geben ze Wienn an Sampstag in den Quatembern ze Phingsten Nach Kristi gepurd viertzehen-hundert jar darnach in dem Sybenten jar.

Source Fulltext: Peter Peusquens