Ich Swester Agnes Maerynn zu den zeiten priorynn der geistleichen frawn des klosters datz ze hymelporten ze wienn ich Swester Kathrey die Haewningerynn dietzeit subpriorynn und wir der Convent gemain daselbens des Ordens von premonstrey Vergehen offenleich mit dem brief, daz uns die erbern mann Hanns der Zyrnast und Hanns der Mosprunner dietzeit baid ausrichter und volfurer des gescheffts so Hanns der Arnstorffer dem Got genad getan hat verrichtet und gewert habent zehen phunt wienner phenning, die uns derselb Hanns der Arnstorffer geschafft hat, alls dasselb geschêfft vor dem Rat der Stat ze Wienn mit erber kuntschafft beweist ist und alls es ze einer ewigen gedêchtnizz in dem Statpuch geschriben stet und sagen auch wir fur uns und unser Nachkomen die vorgenanten geschefftherren und Ir Erben der egenanten zehen phunt phenning gentzleich quit ledig und los, Mit urchund des briefs versigilten mit unsers des obgenanten Convents datz der hymelporten aufgedrukchtem Insigil Geben ze Wienn des nêgsten Eritags vor sand Urbans tag Nach Kristi gepurd viertzehenhundert jar darnach in dem Sybenten jar.

Source Fulltext: Peter Peusquens