Ich pruder Hans die zeit prior datz unser frawen prudern zu Wyenn des ordens vom perg carmelo vergich anstat des gantzen conventzs daz ich emphangen und eingenumen han X phunt wienner phenning von der erberen zwaien mannen hern Hansen dem Zirnast, und hern Hansen dem Mosprunner von des geschefftz wegen so der erber man Hans der Arnstorffer dem got gnad zu unserm kloster getan hat darumb so sag ich sy anstat meins conventzs der obgenanten X phunt phenning gentzlig quid ledig und los mit urkund ditzs prieffs versigelt mit meinem obgenanten pruder Hansen des prior aufgedruktem insigel gegeben des nachsten fritags nach gotzlichenams tag.

Source Fulltext: Peter Peusquens