Ich Erhart dietzeit Schaffer datz sand Marks das hawses vor Stubentor ze Wienn vergich vor mich und fur mein Nachkomen offenleich mit dem brief, daz mich die erbern Mann Hanns der Zyrnast und Hanns der Mosprunner dietzeit baid ausrichtêr und volfurêr des gescheffts so Hanns der Arnstorffer dem Got genad getan hat verrichtet und gewert habent zehen phunt wienner phen-ning, die der egenante Hanns der Arnstorffer den armen duerftigen daselbens datz sand Marks geschafft hat, alls dasselb geschêfft vor dem Rat der Stat ze Wienn mit erber kuntschafft beweyst ist und alls es ze einer ewigen gedêchtnûss in dem Statpuch geschriben stet und sagen auch ich fuer mich und fuer mein Nachkomen die vorgenanten zwen geschefftherren und Ir Erben der ege-nanten zehen phunt phenning gentzleich quidt ledig und los Mit urchund des briefs versigilten mit des obgenanten hawses datz sand Marks aufgedrukchtem Insigil. Geben ze Wienn an freytag vor sand Petronellen tag Nach Kristi gepuerd viertzehenhundert jar darnach in dem Sybenten jar.

Source Fulltext: Peter Peusquens