Ich Prueder Hanns von Zwettl pawmaister ze den Minnern Pruedern ze Wienn und wir der gantz Convent da selbens vergehen fuer uns und unser nachchoemen offenleich mit dem brief, das uns die erbern mann Hanns der Zyrnast und Hanns der Mosprunnêr die zeit paid ausrichter und vol-fuerer des geschêffts so Hanns der Arnstorffer dem Got genad getan hat. verrichtet und gewert habent zehen phunt wienner phenning die uns der selb Hanns der Arnstorffer geschafft hat. als dasselb geschêfft vor dem Rat der Stat ze Wienn mit erber kuntschaft beweist ist und als es ze einer ewigen gedêchtnuezz yn dem Statpuech geschriben stet also das man die selben phenning taylen schol under die pruederschaft gemaintleich die priester sind, das sy got umb des vorge-nanten Hannsen des Arnstorffer Sel pitten und Mess dar umb sprechen. Und sagen auch wir und unser nachchoemen die vorgenanten geschêftherren und Ir Erben der egenanten zehen phunt phenning gentzleich quidt ledig und loes Mit urchund des briefs versigilten mit unsers obgenanten Convents aufgedrukchten Insigil. Geben ze Wienn an dem achten tag gotsleichnams Nach Christi gepuerd viertzehenhundert jar dar nach yn dem Sybenten jar.

Source Fulltext: Peter Peusquens