Ich Hanns der Welser dietzeit maister des hawses datz dem Chlagtpawm vor Kêrnertor ze Wienn und wir die armen duerfftigen gemaynkchleich daselbens vergehen fur uns und unser Nachkomen, und tun kund offenleich mit dem brief daz uns die erbern mann Hanns der Zyrnast und Hanns der Mosprunner dietzeit baid ausrichter und volfurêr des geschêffts so Hanns der Arnstorffer dem Got genad getan hat, verrichtet und gewert habent, zehen phunt wienner phenning die uns derselb Hanns der Arnstorffer geschafft hat, alls das selb geschêfft vor dem Rat der Stat ze Wienn mit erber chuntschafft beweyst ist und alls es zu einer ewigen gedechtnuezz in dem Statpuch ge-schriben stet Und sagen auch wir fur uns und unser Nachkomen die vorgenanten zwen geschêfft-herren, und Ir Erben, der egenanten zehen phunt phenning gentzleich quidt ledig und los Mit urchund des briefs versigilten mit des obgenanten hawses Insigil datz dem Chlagtpawm. Der brief ist geben Nach Kristi gepurd viertzehenhundert jar darnach in dem Sybenten jar des negsten mantags vor sand Veits tag.

Source Fulltext: Peter Peusquens