Ich Pruder Hanns der Wurtz dietzeit Prior und der gantz Convent Prediger ordens dez Chlosters Inn der Newnstat vergehen offenbar mit dem brief daz uns die Erbern Hanns der Stichel und Hanns der Mosprunner paid purger ze Wyenn aus gericht und betzalt habent zehen phunt wienner phenning, die uns der Erber Hanns der Arenstarffer saelig geordent und geschafft hat durch seiner sel und seiner hawsfrawen frawn Margarethen sel und aller irrer vordern sel hail willen. Also daz wir irrer Sel in unserm andaechtigen gepett gedenkchen und pitten schullen, der selbigen zehen phunt phenning Sagen wir sew gaentzleich ledig und lozz Mit urchund dez briefs versigilten mit unseres Conventz auf gedrukchtem Insigil. Geben an Mitichen vor Katherine virginis. Anno domini Millesimo Quadringentesimo Septimo.

Source Fulltext: Peter Peusquens