Ich Ulreich Ybser di zeit der maister dyener und ich Anna sein hawsfraw und all unser erben vergehen offenleich mit dem brief daz uns der erber man Hans der Mosprunner di zeit ausrichter und volfuerer des geschaefts, So Hans der Arnstorffer dem got genad getan hat, verrichtet und gewert fuemf phunt wyenner phenning von dem gelt So der vor genant Hans der Arnstorffer armen Junkchfrawn geschafft hat, und sagen auch wir fuer uns und unser erben den Egenanten Hansen Mosprunner und sein erben der egenanten fuemf phunt phenning qwitt ledig und los Mit urkchund dez briefs versigelt mit dez erbern Mannes Hainreichs dez Starkchen von Sparbach aufgedrukcten Insigel, den wir des vleizzichleich gepeten haben ze gezeugnuess der sach im an schaden Wann wir selber aygen Insigel nicht haben. Datum die dominica post festum Andree Anno millesimo quadringentesimo octavo.

Source Fulltext: Peter Peusquens