Ich Elspet Hannsen des Fridmans hawsfraw ze Wienn Vergich offenleich mit dem brief daz mich die erbern mann Hanns der Mosprunner, und Oswald der Pawch zu den zeiten payd ausrichter und volfurer des Geschaefts so Hanns selig der Arnstorffer getan hat, verrichtet und gewert habent, zwaintzig phunt wienner phenning, die mir derselb Hanns der Arnstorffer geschaft hat, nach seins geschaeftbriefs sag und sag auch Ich fuer mich und all mein Erben, die vorgenanten Geschaeft-herren und Ir Erben, der egenanten zwaintzig phunt phenning, gentzleich Quit ledig und los Mit urkund des briefs versigilten mit der zwayr erbern mannen Insigiln hern Wilhalms des Slecht, diezeit des Rates der Stat ze Wienn, und Michels des Kelhaymer purger daselbens, die ich des fleizzichleich gepeten han, daz Sy der Sach gezeugen sind mit Irn Insigiln In an schaden wannd ich selber aygen Insigil nicht han Der brief ist geben ze Wienn Nach Kristi gepurd viertzehenhundert Jar, darnach in dem Newntten Jar, an unsers Herren Auffart abent.

Source Fulltext: Peter Peusquens