Wir Lewpolt von gotes gnaden Hertzog ze Oesterreich ze Steyr ze Kêrnden und ze Krain Grave ze Tyrol etc. Bekennen daz wir unserm getrewn Hannsen dem Lawn und seinen dienêrn, die mit Im reyttend, unser Sicherheit und Gelaitte geben haben, und geben wissentleich mit dem brief, in die Newnstat ze komen, da ze sein, und wider von dannen an Ir gewarsam, ditzmals ungevêrleich. Davon gepieten wir, unsern lieben getrewn .. allen unsern Hauptlêutten Herren Rittern und Knechten Pflegern Burggraven Burgermeistern Richtern Rêten Burgern und Amptleutten und allen andern unsern undertanen und getrewn, den diser brief getzaiget wirdet, und wellen ernst-leichen, daz Sy den obgenanten Lawen und sein dienêr, bey unsrer Sicherheit und dem Gelaitte lassen gêntzleich beleiben Und dawider nicht tuen noch das ander yemanden ze tuen gestatten in dhain weis. Das maynen wir. Mit uerchund ditz briefs. Geben ze Wienn an Freitag vor Sand Veits tag Anno domini etc. CCCCmo Nono. dominus dux per Hert(nidum) de Pottendorf, marsch(alcum) s(uum).

Source Fulltext: Peter Peusquens