Wir Leupolt von gotes gnaden Hertzog ze Oesterreich ze Steyr ze Kêrnden, und ze Krain Grave ze Tyrol etc. Bekennen fuer uns und unsern lieben Vettern Hertzog Albrechten, der zue seinen Jaren noch nicht koemen ist, und den wir, und unser lieber Brueder Hertzog Ernst innhaben Als unser getrewr Hanns der Wuerffel vor unserm lieben getrewn Hêrtneiden von Pottendorff unserm Lantmarschalich in Oesterreich, hintz Hannsen dem Griesser Burger zue Ibs mit dem Rechten hat behabt, die Geltschulde, so er Im nach seiner brief sag ist schuldig, als das der behabbrief lauttet, der Im daruber von dem egenanten Lantmarschalich gegeben ist, daz wir durch des egenanten Wuerffels vleizzig pett zue derselben behabnuess unsern gunst und willen gegeben haben, und bestêtten auch die wissentleich mit dem brief was wir daran ze Recht bestetten sullen und muegen, und maynen daz die bey allen iren krefften beleib nach lautt und sag des egenanten behabbriefs an gevêrd. Mit urchund ditz briefs Geben ze Wienn an Samstag vor sand Johanns tag ze Sunwenden Nach Kristi gepuerde viertzehen hundert Jar, darnach in dem Newnten Jare. dominus dux

Source Fulltext: Peter Peusquens