Mein freuntlich dinst wist vor Ersamen weisen besundern lieben freund. Es chymbt der gegen-burtig Conrad Kunig meins genedigen hern hertzog Johannsen wirt zw Regens(burg) zw ewr weisheit derselb Kunig mit etlichen den ewern In ewr Stat ze sullich sachen so sein merklich notdurft ist zeschikchen hat So er ewr Ersamkeit selb mundlich wol ertzelen wirt. Bitt ich ewr weishait von meins genedigen hern hertzog Johannsen und durch meiner dinst willen was der egenant Conrad Kunig seiner Notdurft an euch bringent sey Ir wollet Im darynnen hilflich und fuderlich sein damit im ein freuntlich ende werde und ein aufrichtung beschech das sol mein genediger herre gern gen euch und den ewern erkennen und ich von seinen wegen verdienen wo daz zu schulden chumbt. Datum Straubing In die Innocentum anno domini quadringentesimo decimo. Heinrich Nothaft zw wernberg vitztumb in nidern Beyern

Source Fulltext: Peter Peusquens