Unsern frewntleichen dienst altzeit vor Wir lassen Ewr erwerkait wissen, das fuer uns komen ist In offenn Rat, Hanns Wiertlein unser mitpurger, der ewch den brieff, antwuerttet, und hat uns fuerbracht, wie Im Hans Vilshoffêr, Ewr mitpurger, viertzehen phunt wienner phenning vor halde, dew des benanten Hansen des Wiertlein Muemen Seinn Junchfrawn Katreyn, dy er jetzund, mit leib und Guet Inn hat, und der an sein Muemen Stat, von dem Ewren nicht bechomen chuenne, Pitten wir ewr weishait, mit gantzem vleizz, Ir wellent, mit dem Ewrem Schaffen den unsern, an seiner benanten Muemen Stat auszerichten, durch unser dienst, und pett willen, wann Er dasselb guet nach unserm Rat Seiner obgenanten Muemen mainet, anzelegen, das well wir umb und dy Ewren, alzeit verdienen In einem Soelichem oder mererem. Geben ze Tulln an freitag, nach Julyane der heiligen Junchfrawn, anno domini M° CCCC° undecimo. Richter und der Rat der Stat ze Tulln.

Source Fulltext: Peter Peusquens