Wir Albrecht der zetter zu den zeiten Burgêrmaistêr und der Rat gemain der Stat zue Wienn, Bekennen offenlichen mit dem brief, daz wir Recht und redlichen verlihen haben und leihen auch wissentlichen dem erbern Priester, hern Jorgen, Andres seligen des kramer sun, ain ewige Mess, der wir recht lehenherren sein, die der Erwuerdig herr, her Lienhart der Schawr weilent lerêr in geistlichen Rechten, und Official in dem Bistumb zu Passaw, seliger gedaechtnuzz, hintz unserr frawn, auf der Stêten zu wienn in die new kapelln zenêchst des von Passaw hof gegen der kapellen zenechst dem Tuern daselbs ueber zu widem und zu stifften geschaft hat, mit allen den guelten nutzen und gutêrn, die dartzu gehoerend, die ain yeglich kaplan derselben ewigen Mess berûbtlichen sol innhaben niessen und nuetzen und die vorgenant ewigen Mess, davon begeen und verwesen zu der zeit und in dem rechten als Sy der vorgenant her Lienhart der Schawer zu widem und zu stifften geschaft hat. Mit urchund ditz briefs. Geben zu Wienn an Ertag vor dem heiligen Auffartag Nach Christi gepurd vierzehenhundert Jar darnach in dem aindleften Jare.

Source Fulltext: Peter Peusquens