Ich Hanns der Velber burger ze Passaw Vergich offenleich mit dem brief das ich empfangen hab zwei hundert phunt phenning von hern Lienharts des Schawr lerer der geistleichen Rechten seliger gedechtnuess geschefftherren die der obgenante her Lienhart zu dem Pau gen Passaw geschafft hat und die mir von dem Rat der Stat zu Passaw innzenemen empholhen sind nach lautt des briefs den Sy den obgenanten geschefftherren darumb gegeben habent, und des zu urkund gib ich den obgenanten geschefftherren den brief versigelten mit meinem aufgedrukten petschad und mit Andres des Schawfner auch burger ze Passaw den ich vleizzichleich gebeten hab das er der sach getzewg ist mit seinem aufgedrukten petschad. Geben ze Wienn an Eritag nach sand Urbans tag, anno etc. CCCC XImo.

Source Fulltext: Peter Peusquens