Unsern willigen dienst zu vor Wir lassen ew wissen, daz wir an dem heiligen Phingstag zu vesperzeit her gen Egenburg komen sein, und unser gnediger her hertzog Albrecht ist an dem nachsten Montag darnach komen, auch umb vesperzeit und sind mit Im her komen der von Pottendorf, der Marschalich, der von Meissaw, der von Ekkartsaw, der hofmaister, der Neidekker kamermaister, her Pilgreim von Pucheim, sein Rêt, her Burchkart von Winden, der Ottenstainer, der Hering, und ander herren Ritter und Knecht wol mit sechs hundert pferden, aber der von Maidburg, und der von Liechtenstain sind erst heut herkomen, und darzu auch ettlich ander Stêt, des von Walsse und ander prelêt herren Ritter und Knecht, der ist man noch wartund, und wir sein auch zu dhainem Rat noch nye gevordert worden, aber als pald wir gevordert werden, So wellen wir Raten das pest, So wir kuennen und muegen. Datum ze Egenburg an Ertag nach dem heiligen Pfingstag zu mitten tags Anno CCCCmo undecimo. Von den Sechs herren, die zu dem tag gen Egenburg gesandt sind.

Source Fulltext: Peter Peusquens