Ich Chunrat der chiemseer dye zeit Schpitolmaister var chernertar ze wienn vergich an disem prief das mir dye erbern Hans Mosprunner und Aswald der pawch paid geschêfftherren Hansen des Arnstarffer und Margriten seiner hawsvrawn den got gnad, durch gotes willen den paiden seln ze hilff und ze trast gegeben haben van der uebermass des geschêftz tzwen und suebentzig gueter gulden dar umb man den armen laueten in daz schpital ze wienn chawffen schol smaltz und chês und ander ding zw iren natduerften Mit uerchund ditz priefs besigelt mit meinem aufgedruekch-tem petschad geben ze wienn an sand Petronellen abent viertzehen hundert und aindlef jar.

Source Fulltext: Peter Peusquens