Ich Chunrat der Chiemseer dy zeit Schpitolmaister var chernertar ze wienn vergich an disem prief daz mir dye erbern Mann Hans der Mosprunner purger ze wienn und Oswalt der pawch paid geschêftherren Hansen des Arnstarffer und Margreten seiner hawsvrawn den payden got gnad durch gotz willen den seln ze hillf und ze trast gegeben haben van der uebermass des geschêftz hintz Michelinn der Auerinn im vischof hundert phunt wienner phenning den armen laewten und dem schpital ze nuetz und ze fruemen irer nattuerft Mit urchuend ditz priefs pesigelt mit meinem aufgedruekchtem petschad geben ze wienn an sand Margreten abent viertzehenhundert aindlef jar.

Source Fulltext: Peter Peusquens