Wir Beatrix von gotes gnaden Hertzoginn ze Oesterreich etc. Bekennen . Als der erber unser lieber andêchtiger Peter von Mauttarn Kaplan unsrer frawn Mess in der Purkch ze Wyenn, die von uns ze lehen ist, ain haus gelegen an dem Kolmarkcht, gegen Sant Michel ueber, das weilent Hansen des harnaschmaister, seligen gewesen ist, von derselben Mess, umb hundert und newnundzwaintzik pfunt pfenning verkauft, und ain ander haus gelegen bei der himelpartten gegen Poeltinger hoff ueber, das weilent Maister Bonacurs gewesen ist, umb dasselb gelt herwider der obgenanten Mess gekauft hat, daz wir dartzue, unsern gunst und willen geben haben, und geben auch wissentleich mit dem brief. Besigelt mit unserm aufgedruekten petschad. Geben ze Wyenn an freitag nach Sant Agnesen tag. Anno domini etc. duodecimo.

Source Fulltext: Peter Peusquens