Wir Ernst von gots gnaden Hertzog ze Oesterreich ze Steyr ze Kêrnden und ze Krain Graf ze Tyrol etc. Bekennen. Umb unser haus ze Wienn in dem Kampfgesslein gelegen, dass wir von Hannsen von Schotten haben gekauft. Daz wir das mit aller seiner zuegehoerung Symon dem Zingiesser unserm purger hie in der Newnstat, und Breyden seiner haudfrawn von gnaden haben gegeben wissentleich mit disem brief. Also daz Sy und ir erben das nu fuerbas sullent Innhaben und niessen, und auch allen iren fromen damit schaffen nach iren notdurfften, als mit anderm irem aigen Guot ungeverlich. Mit urkund ditzs briefs. Geben ze der Newnstat an Mittichen nach Sant Jacobs tag Nach Krists gepurd vierzehen hundert jar darnach in dem zwelften jare. d(ominus) d(ux) per m(agistrum) cam(ere) Stiklp(erger).

Source Fulltext: Peter Peusquens