A) Wir Albrecht, von gotes gnaden, Hertzog ze Oesterreich, ze Steyr, ze Kêrnden, und ze Krain, Grave ze Tyrol etc. Embieten unserm lieben getrewn, Hêrtneiden von Potendorff, unserm Lant-marschalich in Oesterreich, oder wer ye kuenftikleich unser Lantmarschalich wirdt, unser gnad, und alles guot. Als unser Burgêr hie ze Wienn, mit ettleichen umbsêssen, umb unser Stat hie, ainer Ordnung, von wegen des weingartpawes, ueberain worden sind . Ist an uns koemen, wie ettleich ambtlêut, dieselben ordnung also nicht halten wellen . Sunder die, die dieselben ordnung uebervarent, nicht pessern, als in der ordnungzedel ist begriffen. Emphelhen wir dir, und wellen ernstleich, wa man dir, auf soelich Ambtlêut zaigen wirdet, daz du mit den schaffest, und Sy auch dartzue haltest und noettest von unsern wegen, daz Sy, die egenante ordnung also halten, und auch schaffen zu halten, und die lêut, die die yetzgenant ordnung uebervarent pessern, und die peen von In nemen, als darinn begriffen ist . Daran tuest du, unser maynung. Geben ze Wienn, an Eritag, vor unsrer lieben Frawen tag Purificacionis . Anno etc. Quadringentesimo Tredecimo. d(ominus) dux in cons(ilio). Urkunde B und Abschrift C nahezu identisch)

Source Fulltext: Peter Peusquens