Ich Swester Margreth die Tuomlerin Convent Swester hintz sand Jacob auf der Huelben ze Wienn Bekenn mit dem brief umb die vier phunt wienner phenning gelts purkchrechts, die ich mein leb-taeg und nach meinem tod der Convent des egenanten klosters gehabt haben auf Hannsen des Poben halben haws gelegen gegen den langen Tuochlauben uber und stoezzet an weilent Chuon-rats des Vorlaufs seligen haws, die man nach lautt des purkrechtbriefs den wir darueber heten von uns hat abgeloest, umb zway und dreizzig phunt wienner phenning die man uns zu der Stat ze Wienn Gruntpuoch het nyder gelegt, und wann wir dasselb gelt umb dhain purkrecht mer aus-leichen sunder in andern wegen zu mein und des vorgenanten Gotshaws notduerfft kern wolden, So habent uns nach unser begerung die erbern weisen Hanns Fuechsl dietzeit des Rats der Stat ze wienn und Andre Ris purger daselben dietzeit verweser der Stat ze wienn Gruntpuecher die ob-genanten zway und dreizzgk phunt wienner phenning zu unsern hannden geantwuertt und gege-ben, darumb sagen wir die ytzgenanten baid Gruntherren und ier Nachkomen und ze vordrist dew erbern weisen den Purgermaister und den Rate und gemainkleich die purger der Stat ze Wienn gantz quitt ledig und los Mit urchund des briefs besigelt der Ersamen Swester Kristein der Zebin-gerin Maisterin und des Convents des vorgenanten klosters baider aufgetrukten Insigeln. Geben ze Wienn an eritag nach sand Pangraetzen tag Nach Kristi gepuerd viertzehenhundert und in dem Newntzehenten Jare.

Source Fulltext: Peter Peusquens