Wir Albrecht von gotes gnaden, Hertzog ze Oesterreich, ze Steir, ze Kêrnden, und ze Krain, Grave ze Tyrol etc. Bekennen, daz fuer uns kam, unser getrewr Haydenreich der Lintzêr, und bat uns fleissicleich, daz wir Im geruochten zeverleihen, ain zehent auf fuenif gantzen lehen, zu den hoefen, auf dem marchveld grossen und klainen, und drey schilling phenning gelts zu Gaiselberg auf ueberlend gelegen, wan die sein vêterleich erb wêrn. Das haben wir getan, und haben dem egenanten Lintzêr dieselben zehent und guelt mit iren zuogehorungen verlihen und leihen auch wissentleich mit dem brief, was wir Im zu Recht daran verleihen sullen oder muegen. Also daz er und sein erben, die, nu fuerbaser von uns und unsern erben in lehens weis innhaben und niessen suellen und muegen als lehens und landes recht ist ungevêrleich. Mit urkunt ditzs briefs. Geben ze Wienn an Suntag vor Sant Margreten tag. Nach Kristi gepuerde viertzehenhundert iar darnach in dem Newntzehenden Jare. d. dux in cons(ilio)

Source Fulltext: Peter Peusquens