ICH Kathrey die Hewnyngerin dietzeit Priorin und wir der gantz Convent gemain des klosters datz den Hymelporten ze Wienn Bekennen fuer uns und all unser nachkomen und tuen kund Allen lêwten gegenbuertigen und kuenftigen umb die zway phunt gelts Purkrechts die wir und unser Gotshaws vor lanngen Jaren gehabt haben auf weilent Michels des Chuenrêwtter haws gelegen am Alten fleischmarkcht ze wienn zenegst dem haws das weilent Michels von Ymppendorf gewesen ist und damit derselbe Michel Chuenrêwtter das benant haws gekaufft hat nach begreiffung seins kaufbriefs und wann wir ermont sein, das dieselbe guelt von unsern vodern ist abgelost darzue haben wir uns in allen unsern urbarpuchern briefen und registern aigenleich versucht und haben nichts funden, das uns umb solich guelt gefrumen und daran getzaigen moechtt. Darumb sagen wir das egenant haws am Alten fleischmarkcht syder genant des Hofgeber haws gantz quitt ledig und los aller dinst und gult die unserm Gotshaws zuegepueren solten untz auf disen hewtigen tag als datum des briefs stet. Mit urkund des briefs besigelten mit unser der obgenanten Prioryn und des Convents Anhangunden Insigeln. Geben ze Wienn an Montag nach sand Scolastica tag Nach Kristi gepuerd viertzehenhundert und in dem zwaintzigistem Jare.

Source Fulltext: Peter Peusquens