Ich Maister Hanns Synndram lerer in geistleichen Rechten Kapplan unser frawn Kappellen auf der Stetten ze wienn und dietzeit Offizial, Bekenn offenleich mit dem brief fuer mich und all mein Nachkomen kappelen derselben kappellen das ich mit guetem willen und wolbedachtem muet zu der zeit da ich es wol getuon mochte Recht und Redleich abzelosen geben hab der erbern frawn Kathrein der weissinn burgerin ze wienn und iren erben zwelif schilling wienner phenning gelts purkrechts umb zwelif phunt wienner phenning die die obgenant Cappellen gehabt hatt, auf irem haws gelegen am Saltzgriess gegen der Rinkmawer uber bey dem Saltztûrn in der maynung das Sy und alle die das vorgenante haws innhabent und besitzent der egenanten zwelif schilling gelts purkrechts furbas ewigleich darab ledig und frey sein sullen und der davon nicht mer schuldig sein ze dienen, und sol auch ich noch all mein Nachkomen kapplen der egenanten kappellen furbas auf das egenante haws umb die obgenanten zwelif schilling gelts purkrechts nymermer dhain an-sprach noch vordrung haben noch gewinnen weder mit briefen und urkund noch an brief und urkund wêr aber das furbas icht brief oder urkund fuerbracht wurden die auf das egenante haws umb die obgenanten zwelif schilling purkrechts sagten dieselben brief und urkund sullen denn alsverr und Sy die obgenante gult berueret allerding tod zenichte sein und kain krafft nicht mer haben weder vil noch wênig in dhainerlayweis angevêr. Und des zu urkund gib ich In den brief besigelten mit meinem Anhangundem Insigel darzu hab ich vleizzichleich gepeten den erbern Man Dietrichen den Etzenvelder purger ze wienn das er sein Insigel zugetzeugnuss der sach Im an schaden an den brief hat gehanngen Der geben ist ze Wienn an Phintztag vor sand Thomans tag Nach Kristi gepurd viertzehenhundert und darnach in dem Zwaintzigisten Jare.

Source Fulltext: Peter Peusquens