Wir Albrecht von gotes genaden, Hertzog ze Österreich, ze Steyr, ze Kêrnden, und ze Krain, Grave ze Tyrol etc. Bekennen. Als die erbern geistleichen unser lieb andechtig Brueder Sigmund Ramung Landcommendeur dewtschs ordens in Oesterreich und prueder Fridreich hauscommen-deur dewtschs ordens des hawss ze Wienn und die brueder gemainkleich daselbs von irer merk-leichen notdurfft und grossen geltschuld wegen dahinder Sy und dasselb ir haws komen sind unserm getrewn Ulreichen dem Schrot unserm burger ze Wienn verkaufft habent ain weingarten gelegen ze Grintzing oberhalb des Duern des drew virtail sind, genant die pewnt zenachst Wilhalms Hamburg des Kollner weingarten an ainer seytten und an der andern zenachst Ulreichs des Sneider unsers burger ze Wienn weingarten Davon man jerleichs dient zu dem egenanten irem haws Sechsthalben wienner phening ze perkrecht und dem pharrer ditz der heiligen Stat drew viertail weins an sand Michels tag ze ueberzins und nicht mer und der zu demselben irem haws gehoert hat. Daz wir nach vleissiger pete der vorgemelten Commendeur und prueder zu dem-selben kauff unsern willen und gunst gegeben und bestêtt haben und bestêtten den auch als Landesfuerst wissentleich mit dem brieve. Also daz der obgenant Schrot Margret sein hausfraw und all ir erben den vorgenanten weingarten mit seiner zuogehoerung nu fuerbasser Innhaben nuetzen, und niessen und allen iren frumen damit schaffen suellen und muegen wie In das am pesten fueget. Mit urkunt des brief. Geben ze Wienn an Suntag nach sand Ambrosien tag Nach Kristi gepurde viertzehenhundert jar Darnach in dem Ainenundzwaintzigistem jare. d(ominus) dux in cons(ilio).

Source Fulltext: Peter Peusquens